佛山應該是很多香港人熟悉的地方，近近地又適合短遊幾天，這次趁著復活節帶埋屋企人去佛山食玩買輕鬆慢慢遊～三日兩夜剛剛好！
第一日行程：嶺南天地（午飯）＞黃飛鴻紀念館＞祖廟＞嶺南天地（晚飯）
由香港搭直通巴去佛山全程約3小時 我搭既係[環通直通巴]，係好多地方都有得上車，例如大圍，黃大仙，荃灣，沙田等等，來回都只需HK$240，上車瞓到深圳灣口岸，過關後轉另一架旅遊巴，再直瞓到落車 🤘
我們在佛山假日皇冠酒店下榻，剛好這是其中一個落車點，十分方便。
這間酒店我也要推介一下（沒有影相，自己上網搵啦..）雖然不算太新，但乾淨企理，張床好～舒～服～！我好瞓過係屋企！而且步行去祖廟／嶺南天地這些中心點，只需要10分鐘，我訂的時候剛好有優惠，約HK$700/晚，5星級，性價比高👍
佛山的中中中心點是祖廟／嶺南天地一帶，附近有好幾個大型購物中心，例如嶺南站、鉑頓城等等，吃喝玩樂一應俱全，逛街都夠行一整天了！
安頓好後就正式出發～
第一站先去嶺南天地醫肚，上網搵到一間叫「黃祥華養生堂」評價不錯，鑒於本人是藥膳怪，一聽到養生呀藥膳呀就會雙眼發光，所以決定一試。
結果跟我預期的有很大出入，原來他們主打蒸飯及燉湯，不是藥膳來的，是我搞錯了😥
味道不過不失吧，不是太突出，感覺是挺健康的，佈置走中國風，但我認為不用特別來吃啦。
吃完午飯，一抬頭就見到奈雪之茶，結果又去買芝士水果茶及軟包～（究竟是要吃多少😂）
一定要講，榴槤包好好好好食！掛住食無影相，但喜歡榴槤的一定要試，不是那種榴槤糖的假味，而且爆晒榴槤醬，好滿足。
佛山嶺南天地這個活化區，巷弄都好有特色，融合了舊建築風格及新式店鋪～不過大部分都是餐廳，較少逛街的地方。
OK~飲飽食醉後終於開始我們今天第一個行程，也是唯一一個😂 「黃飛鴻紀念館 ＆ 祖廟」，就在嶺南天地的對面，很近，套票20元 （找售票處反而花了點時間🙈）。
其實附近也有不少景點，下次有機會再去吧。要留意景點關門時間挺早的，4:30pm就停止入場了，5:30pm左右就關門，大家注意時間哦。
黃飛鴻紀念館正門，裡面有多關於黃飛鴻的生平事蹟，相關的電影劇集粵劇等等。
我們未入場前聽到園內有舞獅表演，不過入場後剛好演完了:( 大家碰碰運氣吧
同場還有葉問館，當然要試打一下詠春了 😂
園內有好幾個寺廟，我都分不清了，循例影一影地標「祖廟」吧～
入夜後，嶺南天地就換裝了，有了燈飾加持，整個氣氛就不一樣了！
想不到iphone拍出來的效果也不太差，可以可以～～
晚餐去了個個讚好的「探魚」，也是在嶺南天地裡面的，不用排隊直入。
探魚果然名不虛傳，我們點了兩條烤魚，一碟排骨蝦，以及一堆小吃麵食，豪飲豪食都只是$109/人，一個字：抵！
每樣都很好吃，色香味俱全加上肚餓，完全忘了要好好影相哈哈。
其實最後還吃了滿記甜品，真係由頭食到落尾🤘
佛山第一天捧著肚皮～完了～～稍後再分享Day 2 & 3 😀
即時更新 Instagram: kakaelsa
Comments